duga pa latan bai
natetelek ak lan mandedengel
ed satay ag napultot yon
Ama Mi tan Ave Maria
akatangay kayo la ed altar
no unsabi lay ala sais
awit yo la tay rosarion
masile-sileng tan pimmuti laed kakaemben yo
nimay niluto yo balet
immangob tan atektek la
nimay sira ed palanggana
agto ni naurasan nen atsi
mikokotoan diman ed biyek ya abung
nimay impesak anggapo ney angisirom
duga pa latan bai, duga lan
aksel la so kamalerwa yo ed dasal
niya kami balet ay
amputi-puti lay busaleg
manmulmulagat la ed eras
pialagar miy ibaga yoy
diad ngaray ama . . .
diad ngaray anak . . .
tan espirito santo . . .
mangan tila