Naawagan ti padi a mapan mangbendision ken ni
Kario iti hospital ta dandanin matay daytoy.
Narigaten a makakuti ken saanen a makasao.
Madama ti lualo idi seniasan ni Kario ti padi a
mangyawat iti lapis ken papel. Kalpasan a naisurat
ni Kario ti kayatna a sawen, nagkuyegyegen daytoy sa
nagsatan iti anges. Saanen a binasa ti padi ti surat.
Kinupinna daytoy sana imbolsa.
Iti pumpon, idi dandanin malpas iti panangmisa ti padi,
nalagipna ti surat. "Kakabsat, adda kaniak ti naudi
a sarita ni Kario," kinunana, ket inyawatna iti
sakristanna ti surat tapno basaenna daytoy.
Kinuna ti surat:
"Apo, diakon makaanges ta pinarintumengam ta oxygen tube ko!"