Maysa a barko ti naarinebneb gapu iti pigsa ti bagyo.
Natay amin a tao malaksid kadagiti tallo a naipadpad iti
maysa nga isla. Amerikano, Hapon, ken Filipino.
Daytoy Filipino, naglibas iti pagbaludan.
Nagbayagda iti duapulo a tawen iti dayta nga isla.
Agingga iti maysa nga aldaw, nakakitada iti agtatapaw a
botelya iti igid ti baybay. Idi luktanda daytoy, rimmuar
ti maysa a genie. “Gapu ta tinulungandak a makalibas,”
kinuna ti genie, “patgankayo iti saggagaysa a kiddaw!”
Immuna ti Amerikano, “I want to go back to my country!” k
inunana ket apagdarikmat, addan ti amerikano idiay Amerika.
Simmaruno ti Hapon, “I want to go back to my country!”
kinunana ket apagdarikmat, addan sadiay Japan. Gapu ta saan
a nakapanunot a daras ni Filipino, di na met ngarud kayat ti
agsubli idiay Filipinas ta baka isublida iti pagbaludan,
ket kinunana, “Dagitay dua a gagayyemko, pagsubliem ida ditoy!”