Abasam so nikuan nen Manonton Dalan
Sikato komon so amabiskeg na linawam,
Talindeg ka Kusab, iyalagey moy ngaran
Pian nitanduro si Amam tan Inam!
Agmo patatalawen so kalakal mo
Agmo bukor so ontan diad tapew na mundo
Dakel so ontulong mangiter na abiso
No antam labat so asingeran mo.
Bangbalet wala ed sikan dili itan
Kanyan sakbay mo la ya pantaryaan
Say secreto na masamit ya aroan
Walad dakulap mo, saya so tandaan.
Talo'y bulan nin kuan mo, kanyan manalwar ka,
Andokey nin panaon, dakel ni nagawa,
Diad panaakar mo agka onsisipa
Pian diad kaonoran, duara kayon siansia.