kabuntatala ka ed kabuasan
liket tan liglioa tonia'y puson
nilaknaban na ermen tan boblay
bangno na nanengneng ka la pinabli
ya manoaoayoaya ed kugip ko
labay ko la'y ag ombangon agi
et no angablit la'y arin agew
tampol kan tangaye'd durungaoan
ono lasuran ed tanamanan
alamusal ko'y linggis tan imis mo
pangudtua'y samiong na bibil mo
tan pandema'y angob tan aplos mo
dia ed anduyan na panangaro
linak ka ed labi na bilay ko