Natarnaw nga Ayat

No ti ayat ket Natarnaw,
Kasla naraniag a silaw;
Silnaganna iti aglwlaw,
Tapno awan ti matawtaw.

Nalawa ti pannakaawatna,
Awan ti penpenpenenna;
Sakit a nakem ken rikna,
A maipaay tunggal maysa.

Kallubanna't adu a babak,
Araramid a nadamsak;
Tapno saan a marakrak_
Ti kapia ken ragragsak.

Isu ti bukel: a puon ti biag,
Managitured; no umay ti ublag
Nalawa ti inna pannakaawat,
No adda sakit; ipaayna't arayat.

No natarnaw ti Ayat,
Iti puso a nasalun-at;
Uray awan sao ti ngiwat,
Aramidna't maipamatmat.