Uray -
maksetton ti init
malamminton ti bulan
agkaradapton dagiti bituen
agtangepton ti tangatang.
Uray inton -
malmes dagiti ikan
magango ti danum
matabukolan ti angin
maaklilian dagiti bantay
agrengngat ti pitak.
Wenno uray –
masiglotton ti tulang
matukkolton ti panait
aggumintangton dagiti alad
mapuyatanton ti rabii
nasam-itton ti apgad.
Wenno uray inton -
ngumisit dagiti abaling
makakitanton dagiti alinta -
Wenno uray agpaneston ti lubong ket
naatapto latta dagiti saranay,
naatapto latta dagiti darepdep,
naatapto latta dagiti dayyeng -
No dika mamalbaliw!
maksetton ti init
malamminton ti bulan
agkaradapton dagiti bituen
agtangepton ti tangatang.
Uray inton -
malmes dagiti ikan
magango ti danum
matabukolan ti angin
maaklilian dagiti bantay
agrengngat ti pitak.
Wenno uray –
masiglotton ti tulang
matukkolton ti panait
aggumintangton dagiti alad
mapuyatanton ti rabii
nasam-itton ti apgad.
Wenno uray inton -
ngumisit dagiti abaling
makakitanton dagiti alinta -
Wenno uray agpaneston ti lubong ket
naatapto latta dagiti saranay,
naatapto latta dagiti darepdep,
naatapto latta dagiti dayyeng -
No dika mamalbaliw!